Cando aínda están a chegar as solicitudes de axudas do presente ano e falta por iniciar o proceso de avaliación, os números nas distintas categorías se disparan e as previsións sitúanse na cifra de case 700 proxectos totais como suma de todas as modalidades e convocatorias de axudas. Unha cifra que fala ben as claras da confianza de creadores e empresas na calidade e transparencia nas convocatorias de axuda ao audiovisual.

Ao longo destes anos traballouse arreo para configurar un sistema público de axudas novidoso para poñer o aceno nos proxectos como única posibilidade de trapasar fronteiras. Un sistema baseado no principio de igualdade de oportunidades e que deu numerosos froitos ao longo destes anos e sobre todo agromarán en anos sucesivos. Unha política de axudas que tivo seu colofón nas bolsas para creadores individuais e as tan demandadas axudas automáticas para a industria.

Onte pola tarde e hoxe pola mañá produciuse un troco de teléfonos polo que, para porse en contacto telefónico coas distintas personas que traballan na Axencia Audiovisual faise pública a nova listaxe de números de teléfonos.

E despois de facer as películas qué? A Axencia Audiovisual Galega era consciente de que o seu traballo non remataba aquí polo que democratizou a información relativa a festivais e puxo ao servizo de todas as produtoras e creadores unha base de datos de máis de 300 festivais de todo o mundo.

Que non hai ideas en Galicia? Só entre os guións subvencionados hai un "banco de historias" dispostas a materializarse. Ficción de todo tipo de xéneros e documentais sobre distintos aspectos da realidade, traballos de guionistas veteranos e noveis, historias na procura de productor e do coñecemento do público.

Durante os últimos quince anos o discurso sobre o audiovisual galego estivo focalizado cara a produción denominada "industrial" o que logrou transmitir a cidadanía que o cinema galego só era iso. As novas tecnoloxías permitiron o abaramento da produción audiovisual polo que desde fai uns anos apareceron novos creadores que reformularon a linguaxe do audiovisual galego. Eles son... o "mundo paralelo"!

Outro dos novos camiños abertos para o audiovisual galego pola Axencia foi a aposta –única no estado español- polos contidos interactivos e videoxogos, que mereceu a felicitación da Asociación Española de Produtores de Videoxogos ou a transposición da nosa normativa noutros territorios como Euskadi.

Parece que foi hai moito tempo, mais tan só pasaron dous anos, nen sequera unha lexislatura, desde que tal día como hoxe comezara a súa andaina a Axencia Audiovisual Galega. Foi un parto difícil mais a súa creación foi motivada para intentar conducir unha política audiovisual propia e singular. O seguinte memorandum da Axencia Audiovisual Galega quere conmemorar este aniversario e, a súa vez, facer reflexión sobre o que foi o pasado e para onde se camiña o futuro do audiovisual galego.

A onde te podes dirixir para saber a existencia dun filme do audiovisual galego? Onde podes atopar a maior listaxe de profesionais e de empresas e identificar o profesional que necesitas? A web da Axencia Audiovisual Galega é o maior punto de encontro no espazo virtual para o sector audiovisual, tanto para as súas obras como para os seus responsábeis. En total máis de 1850 títulos producidos desde 1973 ata o 2009 cunha completa información sobre os máis de 2300 profesionais que os fixeron posíbeis.

O mundo do audiovisual precipítase constantemente cara a evolución tecnolóxica. Moita produción fica aprisionada en formatos analóxicos que impiden a súa reproductibilidade e, polo tanto, a súa visibilidade. Esta máxima acúsana sobre todo as producións domésticas e familiares que fican esquecidas en alacenas e faiados. Sorpresas que agardaban desesperadas por un proxecto como o de Memoria do século XX.

A Axencia Audiovisual Galego tamén quixo ser un repouso para a calma, para propiciar a reflexión e facilitar que os investigadores e críticos do audiovisual galego compilasen os seus textos teóricos. Unha escolma de traballos publicados e orixinais pertencentes a un amplo abano de representantes do corpo teórico do audiovisual galego.

O cineclub do audiovisual galego consolidouse como a mellor ferramenta de exhibición do audiovisual galego en toda a súa historia. Un proxecto que xunta o esforzo de moita xente que apostou por un proxecto que dera visibilidade a moitas das producións que fican agochadas sen o seu encontro co seu público natural. Flocos é unha iniciativa orixinal e con futuro e así foi recoñecido desde fora de Galicia por crítica e medios especializados.

Onte fixéronse pública a listaxe de nominacións para as distintas categorías dos Mestre Mateo 2008 que organiza a Academia Galega do Audiovisual. Esta consideración enche de ledicia a todo o equipo que está deste proxecto de promoción do audiovisual galego e supón un dos puntais aos que chegou a Axencia Audiovisual Galega.