O prolífico realizador pontevedrés realizou Cartas Italianas durante o laboratorio do Festivalito das Palmas. Unha turista italiana atópase na illa canaria cun delincuente galego que pretende abrir mercado nas Palmas. Personaxes fuxindo de algo, illados nunha illa que se recoñecen na súa soidade.

Mario Iglesias volve a historias intimistas contadas cun forte realismo explotando as posibilidades do audiovisual dixital. Con esta adecuación ao medio fai de Mario Iglesias un realizador estigmatizado, incapaz de atopar ocos na moribunda canle clásica de distribución de cinema. Mais isto é necesario?

O director de Madres e De Bares afronta a realización audiovisual intentando materializar as súas ideas sen sopesar a súa viabilidade económica. Así, na actualidade tamén está a punto de estrear Catalina e está metido de cheo na produción de Relatos.

O audiovisual galego está de sorte por contar con autores que creen nas súas historias!