´O bufón e a Infanta´ gaña o VIII Certame Fernando Quiñones de Cádiz
02-10-2007
A curta de animación O bufón e a Infanta, dos estudios Dygra Films e dirixido por Juan Galiñanes, recibiu este fin de semana o segundo premio, na modalidade de animación dixital, do VIII Certame Nacional Fernando Quiñones, organizado polo Ayuntamiento de Cádiz.
O obxectivo deste certame, que contempla nove modalidades correspondentes a outras tantas expresións artísticas, é incentivar aos xoves creadores recoñecendo o seu potencial artístico e impulsando a súa creatividade.
Este é o primeiro galardón que recibe a última curta de Dygra, que ten por diante un importante recorrido a través dos principais festivais que xa o seleccionaron para as súas seccións oficiais. É o caso de Animadrid, o Festival de Curtas de Ponferrada, Sitges Festival 07 e Animacor 2007.
O BUFON E A INFANTA (2006)
