Oficina de produción: Novas
´O máis rico (do cemiterio)´, de Jorge Fernández, en Onda Curta
07-11-2008
Onda Curta, o programa da Galega que cada domingo pretende dar a coñecer os novos valores do audiovisual galego, emite desta volta a curtametraxe O MÁIS RICO (DO CEMITERIO), do vigués Jorge Fernández. Unha historia de intriga arredor do negocio da morte, protagonizada polo popular Avelino González, e na que tamén aparecen en papeis secundarios rostros coñecidos como o de Luís Iglesia ou Anabel Gago.
O programa informará tamén do que aconteceu na entrega de premios da III Edición do Festival Curtasnarede e máis na V Edición do Festival Acción! de Boiro, que este ano apostou decididamente polo audiovisual producido no propio concell. Ambos os eventos celebráronse a pasada semana.
Por último, a música virá da man de Apenino, o proxecto musical do compostelán residente en Vigo Marco Maril. O clip será da canción Días de Septiembre, extraído do seu segundo disco Un Rayo de Sol.
