Obra audiovisual coa que trataría de rexistrar o vencello existente entre o corpo humano, a estrutura tectónica do terreo,a voz e a palabra,así como o rexistro da diferente presenza de ritmo de duración de cada elemento

Ela: aproveitaría a orografía rochosa, a resistencia que ofrece o pelexo abrupto do terreo ante o desprazamento para vencer outra resistencia,a resistencia que ofrece a escrita a facerse voz. Trataría de acadar o voceal que se resiste á orde verbal e que non se deixou reducir a escrita. Sacaría proveito do esforzo de moverse para modular o son: cada paso,cada xesto, cada decisión do corpo para ir adiante sería unha modulación de son, de voz a abrirse paso por entre as palabras.
Deixaría que o corpo fose sismo tectónico que se actualizase en voz. Ela sería percibida como un fluído que vai dende o máis quieto ó máis volátil.

Terreo rochoso situado entre o lugar de Bealo e o Confurco.Concello de Boiro.(A Coruña)